"భావోద్వేగాలతో సావాసం చేసేవాడే కవౌతాడు. కమ్మేసిన నిశ్శబ్దమే అతని కవిత్వమవుతుంది"
* జనవరి-2020 తెలుగు వెలుగులో వచ్చిన కథావిజయం-2019 బహుమతి కథ కొరకు ఇక్కడ క్లిక్ చేయండి.!
.
*31.05.2020 న సాక్షి ఆదివారం అనుబంధం ఫన్-డేలో ప్రచురితమయిన కథ కొరకు ఇక్కడ క్లిక్ చేయండి.!
.
* 23.02.2020 న సాక్షి ఆదివారం అనుబంధం ఫన్-డేలో ప్రచురితమయిన పిల్లల కథ కొరకు ఇక్కడ క్లిక్ చేయండి.!
.
* 15.12.2019న మన ఆంధ్రప్రభ ఆదివారం అనుబంధంలో ప్రచురించబడిన మాఊరు కొత్త రేమల్లె గురించి ఇక్కడ క్లిక్ చేయండి.!

Content

Tuesday, 30 May 2017

వర్షం – 3

ఏమిటీ మంకుపట్టు ..!
ఆశపడినప్పుడు అందకుండా 
కోరుకున్నప్పుడు కురవకుండా
రమ్మన్నప్పుడు రాకుండా
పరాచాకాలడుతోంది వర్షం.

ఏమిటీ విన్యాసం ..!
తనువంతా వయ్యారాలు నింపుకొని
కాళ్ళకు గజ్జెలు కట్టుకొని
నేలతల్లిని చేరిన ఆ కూతురు
ఆనందంతో నాట్యం చేస్తుంది.

ఏమిటీ అలంకరణలు ..!
తోబుట్టువులను చుంబించిన చోట
స్నేహితులను కవ్వించిన చోట
తన రాకతో జీవం తెచ్చి
కొత్త ఆశలకు పురుడు పోస్తుంది.
 
ఏమిటీ వైపరీత్యం ..!
కమ్ముకొచ్చిన కారుమబ్బులను చీల్చేయ్యాలని
సహచరుల జీవన గమనానికి అడ్డుపడుతున్న
మానవజాతికి గుణపాఠం చెప్పాలని
కుండపోతగా వచ్చి పడిపోయింది.
అస్తవ్యస్తానికి చిరునామాయింది.

వర్షంలోని విభిన్న కళలు
మనల్ని నిద్ర పోనివ్వకుండా చేస్తాయి.
మన చేష్టలు శ్రుతిమించినప్పుడు
వర్షం విజ్రుంభిస్తూనే ఉంది.
మనల్ని తనలో కలుపుకుంటూనే ఉంది.
 
25th October, 2013.

0 comments:

Post a Comment

మీ అమూల్యమైన సలహాలు సూచనలను ఇక్కడ పెట్టండి - తెలుగు కవితలు

 
విచ్చేసినందుకు ధన్యవాదములు..!!