ప్రేమికుల రోజు – 2012

ప్రేమికుల రోజు.!

ప్రేమ జననానికి చిహ్నం.!

ఏదైనా చేయాలనిపించే తపనలు

మొదలైంది ఈ పదం పుట్టకేనేమో.!

ప్రతి దానిలోనూ మార్పు అనివార్యమైంది.

ప్రేమ పెరగడమో తరగడమో జరక్కుండా

భిన్నమైన పరిణామాలు ఎదురౌతున్నాయి.

వయసుతో సంబంధం లేదంటున్నాయి.

నీటి ప్రవాహంలా కదలాడే హృదయాలపై 

తప్పుకోలేని దారులను గీస్తున్నాయి.

నిర్థిష్టమైన ఓ నిర్వచనంతో మెలగలేనిది  

ఒక్కొక్కరికి ఒక్కోల అనిపించే ఈ ప్రేమే

రకరకాల నెపంతో చొరబడుతుంది.

సమయం కోసం వేచియుండే గుంటనక్కలు, 

బాధను మిగుల్చుతున్నారు.

ఇదే జీవిత పరమార్దమంటూ పెళ్లి చేస్తున్నారు.

ప్రణాళికల పరిమాణంతో పనిలేదు...

స్నేహం-ప్రేమల మధ్య భేదం బోధపడదు...

యువత తప్పుదోవ పడుతుందంటూ విమర్శిస్తారు...

అనైతిక చర్యలకు పాల్పడుతారు...

జాతిని జాగృతి చేసే విధానం ఇదేనా..!

ఈ రోజే వారికనువైన సమయమా..!

మిగతా రోజులలో ఎలా తిరిగిన పట్టదా..!

 

ఓ యువ రక్తమా!

సమాజానికి కనువిప్పు కలిగించండి.

దర్పణంలా గజిబిజిగా కాకుండా,

ఆమోదయోగ్యకరమైన పద్దతులలో బేధాలను బోధపరుస్తూ -

రెప్పపాటు దూరమే క్షణాకాల సమయమని, 

సరైన సమయమే సరైన నిర్ణయమని, 

ఎవరికీ చెప్పుకోలేని ఈ వయసు బాధను 

అనుభవించి తీరాల్సిందేనని, 

కానప్పుడు అనుభవమయ్యే తీరులో 

తెలియజేయాలని కోరుకుంటూ -

 ప్రేమతో ప్రేమికుల రోజు శుభాకాంక్షలు.

14^th February, 2012.

Tweet