ప్రేమ వనంలో

అది 

నువ్వు తిరుగాడే సమయంలో 

నీ వెనుకే వస్తూ ఊరిస్తుంటుంది. 

దానిని 

తలచుకొని అందుకునే వరకూ 

ససేమిరా నిన్ను వదిలి పెట్టదు. 

నువ్వు దాని సాయంతో విజయం సాధిస్తే 

నువ్వు ఇంకొకరిని బంధించేసినట్లే !

నీ ఆలోచనల్లోకి విలీనం చేయాలని ప్రయత్నించినట్లే !

అయినా 

తన ప్రాముఖ్యాన్ని నిలబెట్టుకోవడం కోసం 

నిన్ను కూడా బంధించేస్తుంది. 

కొత్త వసంతానికి నాంది పలుకుతుంది. 

ఈ కొత్త వసంతంలో కొత్తవి వికసిస్తాయి. 

ఆహ్లాదకరమైన హరితాలతో వనమై పరిఢవిల్లుతుంది. 

వాటన్నింటి పైన పుష్పించే పుష్పమై 

సువిశాల సుగంధాలు వీస్తుంటాయి. 

ఈ పుష్పాలు ఓ పరుపై పరచుకుంటాయి. 

తియ్యనైన అనుభూతిని కలుగజేస్తూ 

ఇంకో నలుగురిని బంధించేస్తుంది.

అయినా గాని 

తన పట్టుదలను మాత్రం వదులుకోదు. 

మొదట్నుంచి మళ్ళీ పరిగెడుతుంది. 

06^th December, 2012.

Tweet