కర్షక – కార్మిక

స్వేదం విలువను ఎరిగితివా ?

కష్టించే తత్వమును ఎరిగితివా ?

ఎరుగకపొతే చూడు

ఎక్కడో ఎర్రటి ఎండలనక

స్వేధాన్ని చిందించే కర్షకుడిని,

ఉష్ణ యంత్రాల మధ్య కష్టించే కార్మికుడిని.

స్వేధాన్ని ధారపోసే ఆ కర్షకుడు

స్వేధాన్ని ఆవిరిగా మార్చే ఈ కార్మికుడు

చేసేవి వేరైనా పడే వ్యధ ఒకటే.

ఒకటిగా మారని వారి దుస్థితిని 

కడవలలో పెట్టి బేరం పెట్టె యజమానికి 

ఇంతకన్నా పాపము తెలియట్లేదేమో . !

 

కార్మికులే దేశానికి పట్టుకొమ్మలు అంటారు.

కొమ్మలైన కార్మికులు లేకపోతె

పట్టులాంటియజమానుల జాడ కానవస్తుందా . .  ?

బక్కచిక్కినా ఓ కర్షకా,

పర్యావరణ లోపం వలన

నువ్వూ కర్మికునిలా మారాల్సిందేనా.

జీవన భ్రమణంలో భ్రమిస్తూనే

కాలం కొలతనుతగ్గించే కాలంలో ఉండాల్సిందేనా . . . ?

పారీశ్రామీకరణ ఫలితంగా

ధనాగారం కోసమై

ధాన్యాగారాన్ని విస్మరిస్తే ఏమగునో ఆలోచించు...!!!         

      

27^th March, 2010.

Tweet